75,446 households beneficiaries sa 4Ps sa Central Visayas

Muabot sa 75,446 ka pamilya sa Central Visayas ang makadawat ug pinansyal nga tabang gikan sa programa sa gobyerno nga Pantawid Pamilyang Pilipino Program (4Ps).

Matud ni Shalaine Lucero, director sa Department of Social Welfare and Development Central Visayas(DSWD-7) nga sa ilang inisyal nga lista niabot sa 90,242 ang gitawag nga poorest of the poor sa rehiyon apan 75,446 ang naaprubahan human ang gihimong masusing validation sa ahensya.

Usa sa mga tumong sa programa nga 4Ps mao ang pagtabang sa mga pamilya nga anaa sa below poverty line ug maglisod sa pagpa-eskwela sa ilang mga anak.

Sa maong ihap sa 4Ps beneficiaries, 33,859 ang gikan sa Cebu Province, 26,742 sa  Negros Oriental, 14,803 sa Bohol, ug 762 ang gikan sa Siquijor.//

Leave a Reply

Your email address will not be published. Required fields are marked *