Arestado ang walo ka indibidwal matapos naaktuhan nga nagapatigayon sang iligal nga pagpangisda sa kalalawran nga sakop sang Brgy. Lonoy, Sapian, Capiz.
Ginkilala ang mga nagkaladakpan nga sanday alyas “Eduard” kag alyas “Jovie” mga residente sang Brgy. Sungcolan, Batan, Aklan; alyas “Carl” sang Brgy. Balaring, Ivisan; alyas “Jerald”, “Gerry” “Jonald”, “Sandy”, “Jonathan”, kag “Lito” lunsay mga residente sang Brgy. Basiao, Ivisan.
Magapangatubang ang mga ini sang penalidad sa paglapas sa Municipal Ordinance No. 4 series of 2006.
Sa karon, ang mga nagkaladakpan ang yara sa kustodiya sang Sapian Municipal Agricultures Office lakip ang mga nakumpiskar nga mga fishing vessels, kag fishing paraphernalia para sa nagakaigo nga disposisyon. | Judy Ann Juare