Sa pangandoy nga mudako unta ang ilang pamato 8 ka lalaki karon ang nag-antos sa tumang pag ngulngul sa ilang pitoy.
Daling giambakan sa team sa Brigada ang nahimutangan sa mga biktima sa Malalag, Davao del Sur.
Naabtan Brigada ang duha ka biktima nga silang alyas Adonis, 20-anyos, ulitawo ug si alyas Bobby, 24-anyos, minyo ug dunay anak.
Sa interbyu sa Brigada didto nila gibutyag nga sa 8 sila tanan nga nagpaturok og baby oil sa ilang pamato nga pulos karon nag-antos sa kangulngul sa ilang gibati.
Gibutyag usa sa duha nga niadto pang Pebrero sila nagtinurukay ilalom mismo sa tulay sa Matina Pangi, Davao City kong asa sila nag trabaho isip mga construction workers.
Saysay ni Bobby ug Adonis nga naagni sila nga magpaturok gumikan sa galgal sa ilang kauban sa trabaho nga ila lang nailang Michael alyas Bungot kinsa usa ka kanhi piniriso.
Nagdahom si Adonis nga pang derby na ang iyang pamato apan mialabay ang pipila ka panahon didto na niini nabati nga daw ginakotkot na sa baby oil ang iyang armas de fuego.
Sumala pa sa duruha nga mibutyag si Bungot nga special nga oil ang giturok niini sa ilang pamato nga giaulod pa sa botelya sa mineral water apan ila usab nadiskobre nga ordinaryong lana lamang kini human nakita nila ang daghan garapa nga baby oil nga gilabay ni Bungot.
Gidaladala na lamang sa duruha ang ilang gibati apan namiligro na matud pa sila nga basin musangko kini nga putlon hinungdan nga sila nanawagan ug tabang pangpa opera.
Duba usab silay tambag ngadto sa mga buot magpadako sa ilang pamato nga likayan na lamang kini aron dili maparehas kanila.
Duna usab sila mensahe kay Bungot nga dili na kini buhaton sa lain aron wala nay maangol sama nila.