Ginkumpimar ni City Election Officer Atty. Rommel Benliro sa Brigada News FM nga may ara 8 ka mga Punong Barangay kag 4 ka SK Chairman ang ‘unopposed’ ukon wala sang kasumpong sa maabot nga Barangay and SK Elections 2023 sa siyudad sang Roxas.
Suno kay Benliro, ang mga wala sang kasumpong sa pagka Barangay Chairman amo ang Barangay VIII, XI, Adlawan, Bago, Culasi, Olotayan, Talon, kag barangay Gabuan samtang wala naman sang kontra sa pagkaSK Chairpersons ang Barangay Culasi, II, III kag Barangay XI.
Pahanumdom naman sang Election Officer nga likawan ang premature campaigning sa mga nagapapili nga kandidato sa barangay kag ipabilin nga malinong ang nagahilapit nga piniliay.