Ginkumpirmar ni Tapaz Election Officer Cristina Mercado nga 8 ka mga kandidato nga nagapapili sa maabot nga Barangay and SK Elections sa banwa sang Tapaz ang napanaugan sang ‘show cause order’ sang Comelec.
Ini ang nangin pahayag sang opisyal sang mapakig-angutan sang Brigada News FM- Roxas City.
Suno kay Mercado, 1 ka nagapapili sa pagka-punong barangay kag 7 ka mga kagawad sa Barangay Camburanan ang ginserbihan sang show cause order may kaangtanan sa pagbayolar sang premature campaigning pinaagi sa post sa social media.
Ginpahayag pa sini, nga Oktubre 7 pa ginpa-received ang nasambit nga order kag gingiyahan naman ang mga natundan nga kandidato kun sa diin nila ipadala ang ila nga sabat.
Dugang pa ni Mercado, nga ini ang labing una nga kahigayunan nga may ginpapanaugan sang show cause order sa ila banwa.
Pangabay naman sini, nga kun tani mangin peaceful kag makooperar ang tanan sa nagahilapit nga eleksyon ilabi na sa mga nagapapili nga mangin aware sa tanan nga prohibisyon nga ginapatuman sang Comelec. | KMD Gicalde