Arestado ang 8 ka mga tripulante matapos nadakpan nga nagapatigayon sang iligal nga pagpangisda sa kalalawran nga sakop sa banwa sang Panay, Capiz.
Ginkilala ang mga nagkaldakpan nga sanday Ronald Delacruz 39-anyos; Arsenio Zuer ,62-anyos; Edison Catalan, 45-anyos Ernie Delacruz, 29-anyos; Jhonrey Medina, 25-anyos; Rhoel Delacruz, 24-anyos; Noel Roxas, 50-anyos kag Regine Dela Cruz, 39-anyos lag lunsay mga residente sang Barangay Sagogo, Estancia Iloilo.
Narekober sa ila paghinakop ang isa ka sakayan, fishing paraphernalias kag 60 kilos sang isda.
Magapangatubang sang penalidad ang mga nagkaladakpan matapos nga ginlapas ang Municipal ordinance No. 03-02 series of 2003 sang nasambit nga banwa. | Judy Ann Juare