8,160 doses it Sinovac vaccine, nag-abot eon sa Aklan

KALIBO, AKLAN—Nag-abot eon sa probinsya it Aklan do 8,160 doses it Sinovac vaccine bilang hueay it probinsya sa 150,000 doses para sa Western Visayas.

Ginbuoe it COVID vaccine transport team do nasambit nga mga bakuna sa Department of Health Regional Office 6 sa Iloilo City ag makarun hay una eon nakabutang sa DRSTMH cold storage room.

Nauna eon nga ginpahayag it Regional Vaccination Operation Center nga do 150,000 doses hay do pinakamabahoe nga allocation nga nabaton it Region 6 halin sa national government umpisa ku Marso.

Mag-eowas sa Aklan, makabaton man it 50,000 doses do Iloilo City; 34,800 doses sa Negros Occidental; 27,640 doses do Iloilo province; 10,840 doses do Capiz; 8,240 doses sa Antique; 7,800 doses sa Bacolod City; ag 2,520 doses man do para sa Guimaras. // SHERRY ANNE REUNIR-VIDAL