MIKABAT na sa 856 ang bite cases sa mga iro ug iring sa Alabel, Sarangani, Province, kini basi sa datus office of the Municipal Agriculturist.
Sa maong ihap 605 ka kaso dinhi ang sa iro samtang 251 sab ang sa iring. Sumala ni Maricar Mangunay Livestock and Poultry Coordinator sa Alabel human nabakuanhan ang kapin 2,403 nga mga iro ug iring sa Barangay Alegria, Maribulan, Ladol ug Poblacion temporaryong naundang ang ilahang pagbakuna sa mga iro ug iring tungod wala pay miabot nga rabies vaccination sa ilang buhatan. Luyo niini, adunay Php150, 000 nga allocated budget ang munisipyo alang sa rabies vaccine.
Ang dog catcher nga si Amid Abendan gipaniguru nga dili magutman ang mga dinakpang iro nga anaa sa animal pound facility ug gimintinar niini ang kahinlo sa palibot. I Enamie Mogpon
–