Gibutyag sa Professional Regulation Commission (PRC) nga sa umaabot nga pagsulod sa klase mapun-an na ug 72,000 ka board passers ang magtutudlo sa nasod.
Kini human nigawas ang resulta sa March 2023 Licensure Examination for Professional Teachers, diin adunay 24,819 ka elementary teachers examinees ang nakapasar ug 48,005 ka secondary teachers examinees ang nagmalampuson alang sa secondary level.
Gipadayag sa PRC nga ang mga malampuson nga examinees kinahanglang personal nga magparehistro ug mopirma sa Roster of Registered Professionals.
Subay niini, anaa sa 9 ka mga Sugbuanon ang nalakip sa Top 10 sa licensure examinations for teachers o LET.
Sa LET secondary level exam, tulo ka Cebu-based graduates ang nalakip sa Top 10, usa sa Cebu Normal University, usa sa Cebu Roosevelt Memorial Colleges, ug sa University of San Jose-Recoletos.
Samtang sa LET for elementary level, unom ang Sugbuanon nga nakatungtong sa Top 10 diin usa niini gikan sa Cebu Technological University (CTU) Argao campus, usa sa CTU Carmen campus, duha ka CTU Moalboal graduates, usa sa CTU main campus ug usa gikan sa Cebu Normal University.//