9 ka kaso sa Delta Variant, natala sa probinsya sa Mis.Occ.

MITALA sa siyam ka mga personahe ang natakbuyan sa makamamatay nga Delta Variant nga nakasulod na dinhi sa probinsya sa Misamis Occidental.

Gikompirma kini sa Gobernador nga si Gobernador Philip Tan, nga aduna nay delta cases dinhi sa probinsya, ubay-ubay ang mga nataptan, karong adlawa September 13 ning tuiga.

Apektado niini ang mga lugar sa Aloran adunay 1, Bonifacio 2, Tangub 2, ug dinhi sa dakbayan sa Oroquieta adunay 4 nga natala.

Gitambagan ang publiko nga kanunay sundon ang mando sa kagamhanan sa pagpatuman sa minimum health protocol, ilabina ang mga hospital dinhi sa probinsya kulang na ang supply sa oxygen, busa gipahimangnoan ang katawhan nga dugang pag-amping ilabina na sa migrabe nga sitwasyon diin mitaas pag-ayo ang Covid-19 cases.-BNFM Oroquieta