Napinsala ang 9 na mini bus matapos na hagisan ito ng isang granada.
Nangyari ang insidente sa isang terminal sa Laurel Batangas madaling-araw kahapon.
Ayon sa ulat ng Batangas Philippine National Police – Public Information Office (PNP-PIO), walang nasaktan o nasawi sa naturang pagsabog, ngunit nasa siyam na nakaparadang bus ang nagtamo ng minor damage.
Patuloy ang pakikipagtulungan ng mga awtoridad sa pamunuan ng terminal para sa imbestigasyon at paghuli sa hindi pa nakikilalang suspek.