95 napusa nga ba-o, gipapa-uli na sa ilang panimalay

GIPAULI na sa ilang balay ang 95 hawksbill sea turtle human napusa sa baybayong bahin sa Barangay Cablalan, Glan, Sarangani Province.

Ang maong klase sa ba-o ang gikonsidera nga endanger sa mga environmentalist. Human nakita sa bantay dagat nga si Fernando Gampamole ang pagpamusa sa ba-o buntag sayo atong Biyernes.

Gilayon usab nga giadtoan sa Ecosystem Management Specialist nga si Marivic Quisto kauban ang Park Maintenance Foreman Nelson Ycon ug CENRO Glan nga mga trainees ang lugar ug gihimo ang pagbuhi sa mga napusa nga ba-o.

Giawhag ni Cortez ang publiko nga mahimong katambayayong nila aron protektahan ang mga sea turtle alayon sa kampanya sa environment department nga luwason ug protektahan ang mga marine life.

Ang hawksbill sea turtle ang gikonsiderang critically endangered ilawom sathe DENR Administrative Order (DAO) 2019-09. Giprotektahan usab kini ilawom sa Republic Act 9147 o “Wildlife Resources Conservation and Protection Act.” I Richel Gubalani

Photo by DENR Soccsksargen

Leave a Reply

Your email address will not be published. Required fields are marked *