95 Percent sa mga Solo Parents mga Babaye

MGA KaBrigada, anaa matud pa sa 95 percent sa mga solo parents ay mga babaye.

Gihimong balaod ang Solo Parent Act tungod miabot na matud pa sa 15 million ka mga Pilipino ang solo parent sa karon.

Pamaagi matud pa kini sa gobyerno aron nga maproteksyunan sila ug matabangan sa pag-inusara sa pagpadako sa ilang mga anak.

May ginahatag nga pribilehiyo ang nahisgutang balaod nga may dakong impact sa ilang panginabuhian.

Gilangkuban sa nagkadaiyang ahensya sa gobyerno ang gitawag nga comprehensive package kung asa nalatid dinhi ang daghang benepisyo ug pribilehiyo nga mahimong maangkon sa usa ka solo parent.

Bag-o pa man ang maong balaod, daghang lokal nga gobyerno ang gatanyag sa maong pribilehiyo ug mga benepisyo sa susama nila.

Mao nga sa tabang sa maong balaod, mas samot pa nga mahatagan og pagtagad ang mga ginikanan nga nag-inusara sa pagbuhi ang ilang mga anak.

Dugang sa balaod, mahinungdanong malista sila ug mahatagan og ID aron ilang magamit sa mga higayon nga kinahanglan nilang i-avail ang comprehensive package for solo parents.