958 Brgy sa rehiyon ‘drug cleared’ na

PADAYON ang gihimong Barangay Drug Clearing program sa Philippine Drug Enforcement Agency (PDEA) 12, ang lakang ang kabahin sa demand reduction strategy batok gidiling droga.

Matud ni Kath Abad, tigpamaba sa PDEA-12, gikan sa 1,095 barangay naa na sa 958 ang drug cleared samtang 23 ang drug free. Ang datus ang gikan atong 2017.

Bag-o ang deklarasyon sa klasipikasyon sa mga barangay kalabut sa epekto sa gidiling droga, miagi kini sa deliberasyon. Sa karon, dugang ni Abad padayon ang lakang aron hingpit nang makab-ot ang drug free region, padayon usab ang pag-apply sa maong mga barangay nga ipabilin ang ilang barangay sa ilang status.

Una nang, gibutyag niini nga ang rehiyon ang pabiling drug consuming region ug walay naggama og gidiling droga o walay drug laboratory. Samtang ang mode of transaction ang kaliwaan o dili online, nasuta kini human sa ilang mga operasyon o gikan sa pamahayag sa ilang dinakpan.

Mokabat usab sa P1.6 milyon kantidad sa shabu ug marijuana ang una nang nakumpiska sa mga operasyon sa ahensiya ug mga law enforcement agency. I Richel Gubalani