Nakahunong na sa lock-up-cell sang Ivisan Municipal Police Station ang isa ka security guard nga ginakabig top 1 most wanted person in provincial level kag top 4 in municipal level matapos ginserbihan sang warrant of arrest sa kaso nga pagpanghimulos sa Brgy. Mianay, Ivisan, Capiz takna alas 12:31 kahapon sang Martes, Nobyembre 7.
Ginkilala ang akusado kay alyas Rey, 39-anyos, residente sang nasambit nga lugar.
Ang warrant of arrest ang gin-isyu kag ginpirmahan ni Judge Eric Anthony A Dumpilo, RTC, 6th Judicial Region, Branch 14, Roxas City, Capiz napetsahan Nobyembre 3, 2023.
Wala naman sang piyansa nga ginrekomendar ang korte sa temporaryo nga kahilwayan sang akusado. | Judy Ann Juare