Abogado: may para makausap ng ICC ang mga testigo sa Pilipinas kaugnay sa drug war probe

Makakahanap umano ng mga paraan ang International Criminal Court (ICC) para makausap ang mga testigo, sakaling hindi makipagtulungan ang gobyerno ng Pilipinas sa imbestigasyon kaugnay sa madugong war on drugs ng Duterte administration.

Ayon kay ICC assistant to counsel Atty. Maria Kristina Conti, maari nilang paliparin ang mga testigo sa ibang mga bansa o kunin ang kanilang testimonya sa pamamagitan ng online platforms.

Maliban dito, posible din umano ang pagtatayo ng field office, tulad sa ginawa nila sa ibang African countries.

Sinabi naman ni Conti, na nakakuha na ang ICC ng mga ebidensya para matuloy ang imbestigasyon, at ginagawa na umano ang ilang mga hakbang para ma-preserve ang mga ito.

Dagdag nito, na ginagawa na ng ICC ang prosecutorial process kabilang ang posibleng paghahain ng kaso, habang ang paglilitis ay maaring magtagal ng 10 taon.

Leave a Reply

Your email address will not be published. Required fields are marked *