Itinanggi ng mga abogado ni Pastor Apollo Quiboloy ang mga akusasyon na ibinabato sa kaniya ni Senator Manny Pacquiao..
Ito ay matapos maghain ni Pacquiao ng P100-million cyberlibel complaint laban kay Quiboloy sa Makati City Prosecutor’s Office dahil sa paggamit umano ng pastor sa kapangyarihan at impluwensya nito para magpakalat ng pekeng impormasyon laban sa kaniya.
Nag-ugat ang reklamo mula sa social media post ni Quiboloy, kung saan ay inakusahan umano nito ang senador ng paggamit ng public funds para sa pagpapagawa ng Sarangani Sports Training Center na hanggang ngayon ay hindi pa tapos.
Sa isang online conference ay sinabi ng mga abogado na ginamit lamang ni Quiboloy ang karapatan nito na magbigay ng critical evaluation ni Pacquiao, na isang opisyal ng gobyerno.
Nanindigan ang mga abogado na karapatan ng bawat mamamayan na magtanong, makinig, magsalita at gumawa ng mga komentaryo tungkol sa mga aksyon ng public officials.
Base sa reklamo ni Pacquiao ay sinabi umano ni Quiboloy na umabot sa P3.5-billion ang nagastos ng gobyerno para sa proyekto sa Sarangani, habang ipinakikita ang mga litrato ng mga sira-sirang bleachers, at mga mahahabang damo.
Samantala, handa naman ang kampo ni Quiboloy na maghain ng counter affidavit bilang sagot sa reklamo ni Pacquiao, habang hinihintay ang magiging resolusyon ng prosecutor sa Makati.
Nagpahayag ng pakikiramay ang Department of Education (DepEd) sa mga naiwang pamilya at kaibigan ng…
Nagsagawa ng air assault exercise ang Philippine Marines at United States Marine Corps sa Balabac…
Inotorisa na ng Department of Agriculture (DA) ang pag-import ng bansa sa 25,000 metric tons…
Isa ang patay habang dalawa ang sugatan matapos mabagsakan ng pader sa ginagawang bahay sa…
Isang lolo ang nasawi sa Lipa, Batangas matapos mabangga ng motorsiklo habang sinasagip ang kaniyang…
Magkaksang muli ng tigil-pasada ang transport group na PISTON. Sa pulong balitaan - inanunsyo ni…