Acosta, itinanggi ang mga ulat na nais ng PAO na i-take over ang DOJ prosecution sa Dengvaxia cases

Tinawag na fake news ng Public Attorney’s Office (PAO) ang mga ulat na naghain sila ng mosyon sa korte, na nag-aakusa sa buong National Prosecution Service (NPS) ng pagiging bias at conflict of interest sa paghawak sa Dengvaxia complaints.

Paglilinaw ni PAO Chief Persida Rueda-Acosta, hindi totoong nais ng PAO na i-take over ang prosecution ng Dengvaxia cases.

Pero ipinaliwanag ni Acosta, na nagpadala sila ng liham kay Justice Secretary Jesus Crispin Remulla na humihiling sa inhibition ng Department of Justice (DOJ) panel of prosecutors mula sa paghawak sa mga kaso, at hayaan ang Quezon City prosecutors na humawak sa mga reklamo.

Ang hiling ng PAO kay Remulla ay matapos na atasan si Justice Undersecretary Jesse Hermogenes Andres na isupervise ang NPS.

Si Andres ay dating counsel ni dating Health Secretary Janette Garin sa Dengvaxia complaints.

Leave a Reply

Your email address will not be published. Required fields are marked *