Nanindigan ang grupo ng mga guro na Alliance of Concerned Teachers o ACT na hindi dapat ituloy ang pagtatatag ng Maharlika Investment Fund (MIF)
Binatikos ni ACT- Metro Manila Union President Ruby Bernardo ang proibsyon sa panukala na kung saan ay magkakaroon ng inisyal na allocation ang MIF mula sa mga government financial institutions.
Ayon kay Bernardo, hindi dapat i-risk ng gobyerno ang pension funds ng mga Pilipino na ilang taon nilang pinag-ipunan.
Aniya, hindi dapat mapasakamay ng nino man ang buong buhay na hinulugan ng mga manggagawang Pilipino sa kung sino-sino lamang.
Matatandaaang nakapaloob sa House Bill 6398 ni House Speaker Martin Romualdez na magkakaroon ng inisyal na P275Billion allocation mula sa iba’t ibang state financial institutions kabilang na ang GSIS, SSS, Land Bank of the Philippines, Development Bank of the Philippines, at sa National Treasury.
Ibig-sabihin, i-iinvest ang pondong gagamitin sana bilang pention money, papunta sa pooled funds ng Maharlika.