Gitahasan na sa Agusan del Sur Police Provincial Office sa pagpangulo ni Police Colonel (PCOL) Jovito C. Canlapan ang tanang police units sa probinsya nga naglangkob sa Bayugan CPS, Agusan del Sur Forensic Unit ug CIDG-Agusan del Sur arun mangalap ug impormasyon arun hingpit nga madakpan ang mga responsable sa pagbanhig-patay kang Librado O. Juventod, 46 anyos, incumbent nga kapitan sa Brgy. Mabuhay, Bayugan City.
Sa pakighinabi kang Police Lieutenant Colonel Michael John Mangahis, Chief of Police sa Bayugan City PNP atol sa programang Tira Brigada, diin kasamtangan nihimo na sila ug Special Investigation Task Group (SITG) arun maoy mututok ngadto na sa lawum nga hinungdan sa pagpusil-patay sa maong kapitan ug arun mapanubag ang mga nagbuhat nini.
Giawhag niya ang mga nakasaksi sa maong panghitabo nga makigtinabangay sa ilang opisina arun matumbok ang mga responsable sa maong krimen. Gireview na karun ang CCTV footage, persons of interest nga nakuha sa maong CCTV ug pamilya sa biktima.
Sa inisyal nga imbestigasyon sa kapulisan, gisuta na ang anggulo nga pulitika, transaction sa negosyo ug personal nga problema maoy rason arun mapalawuman ang imbestigayon.
Kahinumduman nga niadtong adlaw nga Biyernes sa alas 11:45 sa buntag, gibanhigan sa 2 ka wala pa mailhing suspetsado ang Brgy. Kapitan samtang pagawas sa Brgy. Hall sakay sa iyang gimaneuhang motorsiklo.
Naka-angkon kini ug samad pinusilan sa likod, dughan ug ulo nga bahin hinungdan sa iyang hinanaling kamatayon. Ang gipulihan niya nga kapitan ang gipusil-patay usab sa nahisgutang barangay niadtong Marso 2012.
-END-
LEGAZPI CITY - Isinagibo kan nakalihis na semana an District Elections 2024 kan Albay Electric…
KORONADAL CITY – HANDA ang opisina ng Sangguniang Panlungsod o SP Support Services ng Koronadal…
LEGAZPI CITY – Arestado kan mga otoridad sa banwaan kan Daraga an lalaking pigkokonsiderar na…
LEGAZPI CITY – Pigkakakalkulong nasa 87,000 hasta 90,000 katawo an mga nag-atendir sa opening concert…
KORONADAL CITY – NAKINABANG sa ipinamahaging Presidential sa Isulan, Sultan Kudarat ang nasa 10,000 mga…
Gikatakdang mo asumir na sa iyang katungdanan isip Acting Mayor sa Dakbayan sa Sugbo si…