Inilabas na ng Armed Forces of the Philippines (AFP) ang mga pangalan ng 19 sa 49 military personnel na nasawi noong July 4 C-130 crash sa probinsya ng Sulu.
Mula sa Philippine Air Force, ang mga fatalities ay kinilalang sina Major Emmanuel Makalintal; Major Michael Vincent Benolerao; First Lieutenant Joseph Hintay; Technical Sergeant Mark Anthony Agana; Technical Sergeant Donald Badoy; Staff Sergeant Jan Neil Macapaz; Staff Sergeant Michael Bulalaque at
Sergeant Jack Navarro.
Mula naman sa technical services ay sina Captain Higello Emeterio ng AFP Medical Corps at First Lieutenant Sheena Alexandria Tato ng AFP Nurse Corps.
Siyam naman mula sa Philippine Army na kinabibilangan nina Sergeant Butch Maestro; Private First Class Christopher Rollon; Private First Class Felixzalday Provido; Privates Raymar Carmona, Vic Monera, Mark Nash Lumanta, Jomar Gabas, Marcelino Alquisar, at Mel Mark Angana.
Ayon sa AFP, ibiniyahe na nila ang mga bangkay ng 11 sa identified fatalities sa kanilang hometowns na kinabibilangan nina Captain Emeterio, Sgt Maestro, Tsg Agana, PFC Rollon, PFC Provido, Pvt Gabas, Pvt Alquisar, Pvt Lumanta, Pvt Angana, Pvt Carmona, at Pvt Monera. // MHEL PACIA-TRINIDAD