AFP, nakakuha ng P183-million na halaga ng armas at equipment mula sa US

Nakatanggap ang Armed Forces of the Philippines ng P183-million na halaga ng mga armas at equipment mula sa Joint US Military Assistance Group-Philippines (JUSMAG).

Ayon sa US Embassy sa Pilipinas, ang mga opisyal ng JUSMAG ang nag-deliver sa equipment na kinabibilangan ng siyam na M3p .50 caliber heavy machine guns, 10 mortar tubes, at iba pa sa Clark Air Base.

Sinabi ng Embahada na layon ng delivery ng equipment na paigtingin ang counterterrorism ng AFP at ang maritime security capabilities nito.

Iginiit ni JUSMAG chief Colonel Stephen Ma na patuloy na susuportahan ng Estados Unidos ang capacity building efforts ng Armed Forces of the Philippines sa pamamagitan ng joint training at military equipment transfers.

Noong Abril ay napag-usapan ng AFP at JUSMAG ang management and response sa sitwasyon sa Philippine exclusive economic zone.

Inihayag naman ng Embahada na nagawa ng US na makapagbigay ng mahigit P48.6-billion security assistance sa bansa simula pa noong 2015, na dahilan kung bakit ang Pilipinas ngayon ang itinuturing na largest recipient ng US military assistance sa Indo-Pacific region.

Leave a Reply

Your email address will not be published. Required fields are marked *