Nanawagan ang Armed Forces of the Philippines sa publiko na huwag mag-panic.
Ito’y makaraan ang pahayag ni Sen. Imee Marcos na may nabalitaan syang hypersonic missles ng China na nakatutok na sa Pilipinas.
Ayon kay AFP Chief Of Staff General Romeo Brawner Jr., wala pa silang nakikitang report na magkukumpirma sa impormasyon na hawak ng senadora.
Gayunaman, sinabi ni Brawner na makikipag-ugnayan sila kay Sen. Marcos at sa ibang may impormasyon kaugnay sa nakatutok umanong hypersonic missile ng China sa Pilipinas.