AFP, nanawagan sa susunod na administrasyon na ipagpatuloy ang pagsugpo laban sa mga terorista

Nanawagan si Armed Forces of the Philippines (AFP) Spokesperson Coronel Ramon Zagala na ipagpatuloy ng susunod na administrasyon ang pagsugpo sa mga terorista sa bansa.

Ayon sa kanya, malaki ang naitulong ng National Task Force to End Local Communist Armed Conflict o NTF-ELCAC sa ilalim ng administrasyong Duterte na sinimulan noong 2018.

Sinabi ni Zagala na shared responsibility ang pagsiguro sa seguridad ng bansa at hinihikayat niya ang publiko na ipagbigay alam ang anumang impormasyon ukol sa terorismo.  

Kasama sa designed peace process ang 40,000 na mga teroristang nais magbalik-loob at isuko ang kanilang armas sa mga awtoridad.

Tutulungan umano silang mabigyan ng ilang programa ng gobyerno katulad ng hanap-buhay upang unti-unting bumalik sa normal ang kanilang pamumuhay.

Samantala, muling magsasama ang AFP at sundalong Amerikano sa 37th Balikatan Exercise na ginagawa kada taon bilang paghahanda sa posibleng banta laban sa Pilipinas at para sa humanitarian assistance. (ARGIE ERGINA)

Leave a Reply

Your email address will not be published. Required fields are marked *