AFP, PNP sa GenSan way nadawat nga taho sa posibleng terror attack

LUYO sa gipagula nga advisory sa Japan, gibutyag sa otoridad nga wala silay nakadawat nga taho kalabut sa posibleng terror attack.

Matud ni Col. Galileo Goyena, commander sa Joint Task Force- GenSan (JTFG) wala silay nadawat nga bahad sa seguridad.

Partikular na sa GenSan apan padayong nakataas ang ilang alerto sama sa pagpahugot sa checkpoints. Lakip ang pagbantay sa mga vital installation sa dakbayan aron masiguro ang kaluwasan sa publiko.

Padayon usab ang pagpakusog nila sa intelligence monitoring kauban ang kapulisan. Gibutyag usab ni PCol. Gilberto Tuzon, director sa GenSan City Police Office (GSCPO) wala sila nag-ubos og alerto batok terorismo.

Una nnag, nagpagula og pahimangno ang Japan’s Foreign Ministry sa katawhan nga likayan ang “religious facilities and crowds” sa unom ka Southeast Asian countries lakip ang Pilipinas tungod sa posibleng pagpangatake. ( Richel Gubalani)