Inaasahan na ng PHIVOLCS ang aftershocks matapos yanigin ng magnitude 6.7 na lindol ang probinsya ng Batangas ngayong umaga lamang.
Ayon sa PHIVOLCS, tectonic ang origin ng lindol kaninang alas-4:49 ng umaga.
Naitala ito sa layong 16 km mula sa timog-kanluran ng Calatagan at may lalim na 116 km.
Naramdaman rin ang pagyanig sa Metro Manila, Cavite, Tagaytay, at iba pang kalapit na lugar.
Nairehistro rin ng PHIVOLCS ang Intensity 3 sa Taguig City at sa San Juan del Monte, Bulacan.
Samantala, tatlong minuto lamang matapos ang inisyal na pagyanig ay naramdaman ang 5.1-magnitude na aftershock sa layong 12 kilometers timog kanluran ng Calatagan.