Gilauman nga magpalambo sa turismo sa Probinsya sa Siquijor ang nagpadayon nga pag-upgrade sa Siquijor Airport.
Mao kini ang gitug-an sa Office of the Presidential Assistant for the Visayas (OPAV) hilabi na kung hingpit na unya nga tugtan ang pagbiyahe ngadto sa mga kasilingan nga mga isla.
Niadtong Huwebes, April 22, 2021, si OPAV Undersecretary Anthony Gerard Gonzales, nga maoy nag-represent ni Secretary Michael Lloyd Dino, mihimo ug ocular visit sa maong tugpahanan.
Anaa usab atol sa pagbisita ni Gonzalees sila si Siquijor Governor Zaldy Villa ug Rep. Jake Vincent Villa,diin nagpasalamat sila sa administrasyon sa paggahin ug P68 million alang sa pagpanindot sa terminal ug P500 million sa runway.
Nasayran nga ang terminal building sa airport ug carpark, nakompleto niadtong Oktobre sa milabay nga tuig isip kabahin sa “Build, Build, Build” program ni President Rodrigo Duterte.