Aklan nagapabilin nga una sa high risk sa COVID-19; pagpaidaeom sa MECQ mabahoe do posibilidad

KALIBO, AKLAN—Nagapabilin nga una gihapon sa high risk do status it Aklan sa COVID-19 suno sa Department of Health (DOH) Center for Health Development as of July 26, 2021.

Do risk calculations it DOH hay base sa capacity ng health care system, growth rate sa mga kaso ag average daily attack rate (ADAR) per 100,000 population para sa nakataliwan nga daywang domingo.

Sa datos, do probinsya hay may una nga health care utilization rate nga 55 percent ag makabig raya nga low risk ukon below 60 percent kung siin 88 percent o 81 sa 92 COVID ward beds do okupado samtang 38.75 percent it intensive care unit COVID beds hay may sueod.   

Do mga banwa man it Kalibo, Nabas ag Banga do may unang masobra 43% sa tanan nga kaso sa nakataliwan nga domingo ag may una man nga clustering of cases sa mga banwa it Ibajay, Numancia, New Washington, Malay, Malinao, Madalag ag Makato.

Sa pihak nga parte, bangud sa padayon nga pagsaka it kaso it coronavirus disease sa Aklan, posibleng raya suno kay Governor Florencio Miraflores do mangin rasun agud nga ipaidaeom sa mas striktong Modified Enhanced Community Quarantine (MECQ) do probinsya. // SHERRY ANNE REUNIR-VIDAL