Nagpanguna ro mga tawuhan it 1st Aklan Provincial Mobile Force Company sa pagpatigayun it Actual Demonstration it pagtanum it High Quality Inbred Rice sa Brgy. Rosal, Libacao, Aklan.
Raya hay sa pagpamuno ni Police Lieutenant Dexryl T Tortuya, 2nd Maneuver Platoon Leader sa pagpamuno ni Police Lieutenant Colonel Donnel P Regis, Force Commander, sa pakikipagbueoligan sa Technical Education Skills and Development Authority (TESDA), ag ku mga Trainers it JVS Integrated Farm nga ginapamunuan man ni Mr. Peter S. Soriano.
Tinutuyo it nasambit nga aktibidad nga mataw-an it dugang nga kaaeaman ro mga mangunguma eabi eon sa pagtanum it paeay bilang andang nagapangunang pangabuhian.
Kaeakip man sa ginpatigayun ro Seed Certification ag Farm Mechanization sa nasambit nga komunidad. / ANN DESLENE SALAZAR