Naging madinaeag on ro ginpatigayun nga Ceremonial Send Off ag Turn over ceremony it Aklan Police Provincial Office (APPO).
Sa interview it BRIGADA NEWS FM KALIBO kay PSSgt Jane Vega PIO, kapin sa masobra 1,200 nga mga personnel ro iga-deploy sa bilog nga probinsya it Aklan para sa Barangay ag Sangguniang Kabataan Elections (BSKE) 2023.
May una man segun nga PNP personnel halin sa regional headquarters nga madugang sa deployment sa Aklan ag hin agar o opisyal nga pag umpisa it deployment sa tagsa nanda ka designated PNP stations.
Suno pa kay Vega, siento porsyento eon segun nga preparado ro mga pulis sa Aklan nga magserbi ag magprotekta sa publiko para sa BSKE sa Lunes, Oktubre 30, 2023.
Umapela man si Vega sa publiko nga makipagbueoligan sa mga kapulisan ag indi magduha-duha nga magpa eapit sa mga pulis kung kinahangean.
Nagpasaeamat man si Vega bangud owa it election hotspot o areas of concern iya sa Aklan pero ginpasiguro nga nakatutok sanda ag supisyente ro andang pwersa.
Samtang, kahapon hay gin-activate eon it APPO ro Media Action Center sa provincial office ag tanan nga municipal police stations ngani tanan hay makabatun eon it report kaangot sa anumang isyu o kremin.
Ginklaro man ni Vega nga sandang mga pulis hay non-partisan o owa it ginapanigan nga mga pulitiko, pero may kampanya segun sanda nga indi iboto ro kandidato nga eakot sa kriminalidad, illegal nga droga ag naga suporta sa mga terorista. // ANN DESLENE SALAZAR