Naka heightened alert status makarun ro Aklan Provincial Veterinarian ag Provincial Disaster Risk Reduction and Management Council bangud sa pagpanaeasa it African Swine Fever sa probinsya it Aklan.
Base sa pinakaulihing ASF Zoning Update, nag abot eon sa pitong banwa sa Aklan ro apektado it nasambit nga sakit sa mga baboy.
Kaeakip sa mga kontaminadong banwa ro Balete, Batan, Kalibo, New Washington, Numancia, Makato, ag Tangalan.
Nagapadayun gihapon ro mga tikang it gobyerno probinsyal ag ku Department of Agriculture kaparehu it Mass Testing, Surveillance, Culling, ag Disinfection sa mga lugar ag kagamitan para mapundo ro pagkalat it virus. // ANN DESLENE SALAZAR