Ro probinsiya it Aklan hay presente nga nakapa-idaeom sa kategorya nga COVID-19 alert level 2.
Nagapahiwatig raya nga may manaba nga chansa nga mas magkaeat pa ro nasambitan nga virus sa probinsiya.
Ginpakita sa datos it Department of Health (DOH) Region 6, nga padayon nga naganaba ro mga kaso it mga indibidwal nga gintamaan it COVID-19 virus sa probinsiya.
Ro two-week growth it mga kaso sa Aklan hay nagnaba man sa 107 halin 272.
Samtang, ro average daily attack rate (ADAR) hay 1.26 porsyento sa mga nagtaliwan nga dominggo (Setyembre 26 hasta Oktubre 6) mas manaba kumpara sa 3.21 porsyento ku Setyembre 9 hasta 22.
Ro health care utilization rate it probinsiya nga 3.70 porsyento hay pinkamanaba sa bieog nga Western Visayas.
Bangud dikara, may pila ka mga health restrictions nga gin-euwagan agud makabawi ro lokal nga ekonomiya./JIL B. LACSON