Aklanon teacher, ginkilaea sa prestihiyosong Asia Pacific Luminare Awards

Ginkilaea ro sangka Aklanon teacher sa prestihiyosong 7th Asia Pacific Luminare Awards sa ginhiwat nga awarding ceremony ku Marso 24, 2023 sa Grand ball Okada, Manila.

Ginkilaea ro maestro nga si Mrs. Genelyn dela Peña-Sequio, sangka Grade 9 teacher it New Washington National Comprehensive High School (NWNCHS) ag nagbatun it Asia’s Woman of Dedication and Most Outstanding Educator of the Year award.

Gintaw-an it pagkilaea ro na-contribute ni Teacher Gen bilang sangka private ag public school teacher sa sueod it 17 anyos kung siin, naging coach raya sa journalism, reader’s theater, visual arts, culinary arts and sports ag imaw man ro nagasueat it original declamation pieces’ para sa anang mga learners.

Imaw hay ginpasidunggan bilang 2020 Outstanding Employees 2020, 2021 Outstanding Teacher at Best in RPMS Portfolio ku 2021 it NWNCHS.

Sa makarun agud mas pang mapa eapad ro anang kaaeam sa pagturo hay nagabuoe si Sequio it Masterpieces in World Literature nga sangka online course of study nga ginatanyag it Harvard University.

Ro Asia Pacific Luminare Awards hay sangka organisasyon nga nagausoy it pinakamayad nga mga indibidwal ag kompaniya sa tanan nga panig it Asya ag nagapati nga maabung tawo ro may kontribusyon sa tagsa ka patag it pagkrear it mga kahigayunan para sa pagbag-o ag pag umwad.  

Leave a Reply

Your email address will not be published. Required fields are marked *