Aktibong kaso ng Covid-19 sa Camarines Norte malapit nang sumampa sa 100, panibagong kaso ng pagkamatay dahil sa sakit, naitala

CAMARINES NORTE- Patuloy ang pagtaas ng mga naitatalang kaso ng Covid- 19 sa lalawigan ng Camarines Norte.

Batay sa datos ng Provincial Health Office, sumampa na sa 97 ang bilang ng aktibong kaso ng Covid- 19 hanggang nitong Huwebes, May 25.

Lahat ng bayan sa lalawigan ay mayroon ngayong aktibong kaso na ang pinakamarami ay sa Daet na may 35.

Nakapagtala naman ng 17 ang Vinzons, Labo 14, Mercedes 6, Basud 4, Capalonga 4, Talisay 4, San Vicente 4, Paracale 3, Sta Elena 3, Jose Panganiban 2 at San Lorenzo 1.

Dahil dito sumampa na sa 4, 789 ang kabuuang kaso ng COVID- 19 sa lalawigan.

Nadagdagan din ang bilang ng mga nasawi kaya mayroon na ngayong 284.

Umaabot naman sa 4, 408 o 92. 04 % ang nakarekober.

Kaugnay nito ay pinaalalahanan ni Provincial Health Officer Dr. Arnel Francisco ang publiko na i- practice ang health protocol lalo na ang pagsususot ng face mask.

Hinimok din ng opisyal ang mga hindi pa nagpapabakuna na magpabakuna na at magpa booster.

Leave a Reply

Your email address will not be published. Required fields are marked *