Misaka na sa kapin 7,000 ang mga aktibong kaso sa covid-19 sa Central Visayas.
Kini human nakatala ang Department of Health-7 ug dugang 546 ka mga bag-ong kaso.
Kini gikan sa 4,521 ka mga laboratory results nga gipagawas sa nagkadaiyang Covid-19 laboratories sa rehiyon.
Tungod niini, misaka na sa 69,950 ang kinatibuk-ang kaso nga natala diin 7,014 ang mga aktibo.
Ang mga naayo, misaka na sa 60,748 human nadugangan ug 323. Samtang adunay nadugang nga pito ka namatay tungod sa komplikasyon nga dala sa maong virus maong anaa na sa 2,188 ang kinatibuk-ang ihap sa namatay tungod sa covid-19 sa rehiyon.