Aktibong kaso sa COVID-19 sa Central Visayas, misaka sa kapin 7,200

Misaka na ngadto sa 7,263 ang mga aktibong kaso sa Covid-19 sa tibuok Central Visayas.

Kini basi sa Covid-19 Case Bulletin number 367 sa Department of Health Central Visayas (DOH-7).

Nasayran nga pabiling nag-una sa adunay labing daghang aktibong kaso sa Covid-19 ang Negros Oriental nga miabot sa 3,692 ka mga kaso, gisundan sa Bohol nga adunay 1,942 ug ikatulo ang dakbayan sa Sugbo nga aduna nay 689 ka mga aktibong kaso.

Samtang, miabot usab sa 355 ang mga nadungang nga bag-ong kaso sa rehiyon gikan sa 2,508 ka mga sample nga gipaubos sa Covid-19 testing.

Hinuon, mas ubos kini kung itandi sa mga bag-ong kaso nga natala niadtong milabayng adlaw nga miabot sa kapin 500.

Tungod  sa mga bag-ong kaso, misaka na sa 68,992 ang total confirmed cases sa rehiyon, diin 59,557 niini ang mga naayo na ug 2,172 ang mga namatay.

Leave a Reply

Your email address will not be published. Required fields are marked *