Aktibong kaso sa Covid-19 sa dakbayan sa Oroquieta, padayon ang pagsaka

MITAAS pag-usab ang ang aktibong kaso sa COVID-19 ning dakbayan sa Oroquieta, nga anaa sa 41,  diin adunay 3 ka mga bag-ong nataptan sa virus, samtang wala’y natalang nakarekuber sa maong sakit.

Kini nga mga datos ang gipagawas sa City Health Office ning dakbayan, kaniadtong Agosto 4, sa may alas 4:45 sa hapon,  nga adunay natala nga 15 ka mga empleyado sa gobyerno ang apektodo, 8 ka mga senior citezen, og 15 ka mga ordinaryong mga lumulopyo sa dakbayan, ug 1 ka returning overseas filipino kon ROF, 1 ka lokal stranded indibidwal, ug usa ka health care worker,  ang natakbuyan sa maong makamamatay nga sakit.

Nagakikan ang mga nangataptan sa sulod sa 16 ka mga barangay dinhi sulod sa siyudad.

Sa kinatibukan, mukabat na sa 790 kabuok ang gikatahong nakarekuber sa nasangpit nga virus, samtang miabot na sa 34 ang nakutluan sa hinulamang kinabuhi._BNFM Oroquieta