MISAKA sa 183 ang aktibong kaso sa Covid-19 sa Misamis Occidental, sa update nga gipagawas sa Provincial Health Office (PHO).
Matud pa nga adunay aktibong kaso sa COVID-19 sulod sa probinsya, nga mitala sa 183 ka mga bag-ong kaso, ug ang kinatibuk-ang ihap mokabat na sa 1,986.
Miabot na sa 1746 ang kinatibuk-ang ihap sa mga naka recover sa Corona Virus.
Samtang, adunay 9 nga natala nga nakabsan sa ilang hinulman nga kinabuhi sugod Mayo 5 niining tuiga. Ug kadaghanan ang mga Senyor Citizens, nga mokabat sa 57 ang ihap nga namatay sa sakit nga Corona Virus.
Sumala sa FB post, ni Gobernador Philip Tan, puno na ang Covid Isolation Facilities sa probinsya sa nagkadaghan nga aktibong kaso sa Covid-19.
Dugang, usab ni Gobernador, nga mag-amping ug likayan ang mga ang tapok-tapok sa pampubliko nga lugar, ilabina ug adunay mga okasyon.
Hugot nga gi awhag ni Tan nga dili molakaw, kung dili importante ang lakwon aron malikayan ang pagkuyanap sa Corona Virus sa probinsya sa Misamis Occidental. (Cj Luzano)