Aktibong kaso sa Covid-19 sa probinsa sa Mis.Occ, mitaas

MITAAS pagbalik ang aktibong kaso sa Covid-19 dinhi sa probinsya sa Misamis Occidental, nga anaa sa 518 ka mga aktibong kaso nga gipagawas sa Integrated Provincial Health Office kaniadtong Septyembre  ning kasamtangan nga tuig.

Kini ang gilangkuban sa mga lugar sa Ozamiz 74 ka mga aktibong kaso, Tangub anaa sa 48, Aloran 20, Baliangao 13, Bonifacio 42, Calamba 56, Clarin 49, Consolacion 1, Don Victoriano 1, Jimenez 11, Lopez Jaena 19, Panaon 19, Plaridel 11, Sapang Dalaga 16, Sinacaban 2, Tudela anaa sa 21, og dinhi sa dakbayan anaa sa 120 na ang ihap sukad kaniadtong Septyembre 4 ning susamang tuig.

Giawhag ang kadaghanan sa pagsunod kanunay sa health protocol aron makunhuran ang nataptan sa naasoy nga makalilisang nga virus nga mikuyanap dili lamang dinhi sa probinsya kondi sa tibuok nasud.-BNFM Oroquieta

Leave a Reply

Your email address will not be published. Required fields are marked *