Nasorpresa ag naila ro mga empleyado it local government it Kalibo matapos nga bumisita ro aktor nga si Edgar Allan o EA sa munisipyo kaina it agahun.
Base sa post ni Kalibo Mayor Juris Bautista Sucro, ro pagbisita it aktor hay para mataw-an it kasadyahan ro mga empleyado it LGU ag bilang regalo man sa andang kahugod sa pagserbisyo sa pumueuyo it Kalibo.
Nasayuran nga nagtambong man ro aktor sa ginhiwat nga flag ceremony it LGU kaina it agahun. // ANN DESLENE SALAZAR