Albay, nakapagtala ng 21 bagong kaso ng COVID-19; 8 buwang gulang na sanggol, kabilang sa mga nagpositibo

LEGAZPI CITY – Nakapagtala ng 21 bagong kaso ng COVID-19 ang lalawigan ng Albay kahapon, Mayo 17 ayon sa Provincial Health Office (PHO).

Sa tala ng tanggapan, kabilang sa mga nagpositibo ay ang isang walong buwang gulang na sanggol na lalaki mula sa Tabaco City kasama ang dalawa pang mga indibidwal; 7 ang naitala sa Daraga; 4 sa Legazpi; tig-2 sa Bacacay at Malinao; habang tig-isa sa Camalig, Guinobatan at Oas.

Sa kaparehong datos, karamihan sa mga nagpositibo ay naka-quarantine, habang ang iba naman ay admitted.

Wala namang naitalang bagong pagkasawi dahil sa naturang sakit.

Paalala ng tanggapan, palaging sundin ang ipinatutupad na health protocols at magpabakuna upang maiwasan ang pagkalat nito.

Leave a Reply

Your email address will not be published. Required fields are marked *