Inihayag ng Albay Provincial Health Office (PHO) na patuloy pa rin ang pagbaba ng mga kaso ng COVID-19 sa lalawigan ng Albay.
Ayon kay Dr. Nathaniel Rempillo, ang head ng nasabing opisina, bumababa pa rin umano ang mga kaso nito sa kabila man na may mga lugar sa rehiyon na ibinalik sa alert level 2 status.
Aniya, naniniwala siyang mapapanatili ng lalawigan ang pagiging alert level 1 nito dahil mataas na rin ang vaccination rate sa Albay.
Ngunit, hindi pa rin umanong dapat maging kampante ang mga Albayano sa pagbaba ng kaso ng nasabing sakit dahil may mga gatherings o aktibidad ang lalawigan kung saan dinadagsa ng mga tao.
Dahil dito, mino-monitor pa rin ng tanggapan ang mga ginagawang aktbidad sa lalawigan lalo’t nalalapit na ang kapaskuhan at ang pagsalubong sa bagong taon. Hinihikayat pa rin nito ang publiko na magpabakuna at magpa-booster upang mabigyan ng proteksyon laban sa malalang sintomas ng COVID-19.
Nagpahayag ng pakikiramay ang Department of Education (DepEd) sa mga naiwang pamilya at kaibigan ng…
Nagsagawa ng air assault exercise ang Philippine Marines at United States Marine Corps sa Balabac…
Inotorisa na ng Department of Agriculture (DA) ang pag-import ng bansa sa 25,000 metric tons…
Isa ang patay habang dalawa ang sugatan matapos mabagsakan ng pader sa ginagawang bahay sa…
Isang lolo ang nasawi sa Lipa, Batangas matapos mabangga ng motorsiklo habang sinasagip ang kaniyang…
Magkaksang muli ng tigil-pasada ang transport group na PISTON. Sa pulong balitaan - inanunsyo ni…