LEGAZPI CITY – Uminabot na sa labi 200 na mga personahe an naitaltag na kan Albay Police Provincial Office (PPO) sa banwaan kan Libon, Albay.
Segun ini kay PPO Provincial Director PCol. Fernando L. Cunanan, Jr., kun sain hale su boot ini sa manlaen-laen na mga munisipalidad asin puon pa ini kan enot na aldaw makalihis an insidente nin pangagadan kay San Jose punong barangay Alex Repato.
Mientrastanto, diretso an saindang mga checkpoints na ngunyan ngani makalihis suboot an assessment, nagbugtak na sinda nin maabot sa 9 strategic checkpoints sa lambang barangay dugang pa an mga surprise checkpoint.
Ini bilang preparasyon na man ninda sa pagbubugtak kan bilog na banwaan kan Libon sa irarom kan COMELEC control.