Albay veterinary office, nagsagawa ng libreng kapon sa mga aso at pusa sa Camalig, Albay

LEGAZPI CITY – Isinagawa ng Albay Veterinary Office kahapon, Marso 21, ang libreng kapon sa mga aso at pusa sa Negosyo Auditorium, Albay Farmers Bounty Village, Cabangan, Camalig, Albay.

Ayon kay Dr. Pancho Mella, head ng nasabing opisina, ang pagkapon ng mga nasabing hayop ay bilang pakikiisa sa pagdiriwang ng Rabies Awareness Month sa bansa.

Katuwang ng tanggapan sa pagsasagawa nito ay ang Philippine Veterinary Medical Association Bicol Chapter, Bicol Companion Animal Veterinary Practitioners’ Association, College of Veterinary Medicine, Central Bicol State University of Agriculture at Doctor of Veterinary Medicine Program ng Bicol University.

Layunin ng aktibidad na ito na mabawasan ang populasyon ng nasabing mga hayop sa lalawigan, at upang mabawasan din ang mga aksidenteng dala ng kumakalat o gumagalang mga aso’t pusa.

Dahil dito, hinikayat nila ang mga pet owners na huwag nang palampasin ang serbisyo at pagkakataong ibinibigay, kung kaya’t magparehistro na sa opisina para sa libreng kapon.

Leave a Reply

Your email address will not be published. Required fields are marked *