LEGAZPI CITY – Wara pa nin pondo an probinsya kan Albay para sa post-recovery plans sa mga naapektaran kan pag-alburoto kan Bulkang Mayon segun sa Albay Public Safety and Emergency Management Office (APSEMO).
Ini an kinumpirmar ni APSEMO head Dr. Cedric Daep sa Brigada News FM Legazpi.
Segun saiya, ini an rason kun nata naggibo sinda ki proposal na ipipresentar sa mga donor agencies nganing matabangan sinda sa pag-rehabilitate.
Para kay Daep, an pinakaprayoridad na dapat alokaran ki dakulang pondo iyo an relocation nganing dai na magtenir pa sa 6 kilometers permanent danger zone kan bulkan an mga residente asin dai na magkaigwa pa nin pag-erebakwar en kaso.
Mientrastanto, sa agrikultura igwa naman sindang pig-alokar o pigpunan na PHP1.3M alagad kulang na kulang su boot ini kaya mas maray kun matawan pa sinda ki dugang na pondo kan gobyerno-nasyonal.