LEGAZPI CITY – May pagirumdom an Albay Youth Office sa mga aspirante kan Sangguniang Kabataan ngunyan na paparani na an Barangay and Sangguniang Kabataan Elections (BSKE).
Segun kay Rhondon C. Ricafort, pamayo kan Provincial Youth Development Office, dapat andaman an mga obligasyon na saindang kakahampangon en kaso meelehir an mga ini sa nasambit na posisyon.
An mga obligasyon kan Sangguniang Kabataan, dapat su boot susog sa Philippine Youth Development Plan na sarong komprehensibong plano para sa pagpapakusog kan estado kan mga jovenes pag-abot sa orolay sa sosyedad, pang-ekonomiya asin gabos na programa, proyekto asin aktibidades kan gobyerno na may kinaaraman sa mga kajovenesan.
Dapat man su boot na magin kapaki-pakinabang an saindang termino sa SK asin makisumaro sa pagheras kan tamang mga impormasyon dapit sa karapatan kan gabos para sa marhay, matoninong, asin makatotohanang eleksyon.