LEGAZPI CITY – Kinoronahan bilang 2nd Runner-up an sarong Albayana sa kakatapos pa sanang Miss Cosmoworld Philippines (2023).
Iyo ini si Miss Albay Tourism, Lienel Navidad na gikan sa banwaan kan Malinao.
Sa edad na 13, na-espose na si Navidad sa pageantry asin plano niyang mag-intra sa mga prestihiyosong pageants alagad sa ngunyan, tututukan niya muna subuot an kanyang karera sa pag-arte.
Nagpasalamat si Navidad ta bako su boot ini basta-bastang pagkakataon asin preparado siyang ipahiling an talento, diwa, asin kakusugan kan Albay sa iba pang parte kan nasyon.
Labi sa 20 na mga daraga gikan sa manlaen-laen na parte kan Pilipinas an nagpahiling man kan saindang mga tibay sa nasambit na kompetisyon nganing makua an titulo, kun sain si Elda Aznar kan Davao del Sur an kinoronahan bilang Ms. Cosmoworld PH 2023 na iyo an marepresentar kan Pilipinas sa Ms. Cosmoworld sa Kuala Lumpur, Malaysia sa Nobyembre.