LEGAZPI CITY – Pigsiyerto kan Albay Electric Cooperative, Inc. (ALECO) na igwang kuryente an kada eskwelahan ngunyan sa probinsya sa maabot na kralasehan nganing maibetaran an init kan mga estudyante sa laog nin clasrooms.
Segun ini kay Mark Jessan Lucilo, head technical department services kan nasambit na kooperatiba.
Segun kay Lucilo, antes pa man an kralasehan sa masunod na semana, nakapagkondusir na an kooperatiba nin mga aktibidad para sa pag-irahay kan mga linya nin kuryente o clearing.
Apwera pa kaini, ma-monitor man sinda sa mga eskwelahan nganing i-check an service entrance tanganing maibetaran an loose connection.
Dugang pa kaini, magkakaigwa man nin information drive manungod sa safety tips sa mga estudyante asin paratukdo tanganing maibetaran an electrical hazards.
Segun pa kay Lucilo, en kaso man na magpuon na an klase asin magkaigwang problema sa kuryente, hagad ninda na tulos mag-abiso sa ALECO tanganing maging prayoridad ini sa pag-ayos kan linya.