LEGAZPI CITY – Pig-iinguwa ni Sto. Domingo, Albay municipal mayor Jun Aguas na magkaigwa na nin aksiyon an duwang taon na delayed na konstruksiyon kan Sto. Domingo Fire Station.
Sa intrivista kan Brigada News FM Legazpi sa alkalde, pigsabi niya hagad niya an kasimbagan kun ano ang nagin rason kan aloy na pagkapendyente ka ini.
Segun kay Aguas, pigkaolay niya na an saiyang abogado nganing maghapot kun ano an magkakanigong kaso na pwedesir isangat sa tawong responsable kan dai mapunan na proyekto.
Sa ibong na lado, pigsabi man asin pig-eksplikar ni Bureau of Fire Protection (BFP) Bicol Regional Director Fire Senior Supt. Ricardo C. Perdigon na bako ninda sakop o dai sinda sa poder sa pagpapatrabaho kan pagkonstruer kan nasambit na fire station.
Dugang pa kaini na an Philippine International Trading Corporation (PICT) iyo an kontraktor kaini kun sain nakabase sa Manila kun kaya an saindang opisina iyo sana an end-user kan proyekto asin an pag follow-up sana an saindang magiginibo.
Pigibo man ninda an saindang parte, asin nagpadara na ki surat sa saindang sentral na opisina ta nganing mag hagad nin update manungod digdi.
Pig-iinguwa kan alkalde na mabugtakan na ini nin nasambitan na istasyon nganing harani na sana an hagadan nin tabang in kaso may nangyaring dai man piglalaomang kasulo sa lugar. | MAEDIN DEXISNE