Alkalde ng bayan ng Mercedes humirit ng lambat sa BFAR para sa mga maliliit na mangingisda na nabigyan ng bangka

CAMARINES NORTE- Humirit si Mercedes Camarines Norte Mayor Alexander Pajarillo sa Bureau of Fisheries and Aquatic Resources (BFAR) na mabigyan rin ng gagamiting lambat ang mga Mercedenos na benepisyaryo ng bangka na ipinamahagi ng ahensiya kamakailan.

Ayon sa Alkalde kadalasan daw kasi na kapag hindi kumpleto ang naibibigay na tulong ay hindi nagagamit at nakaparada lang ito.

Kasabay nito ay nangako rin ang opisyal na handang tumulong ang Lokal na Pamahalaan sa repair ng bangka sa sandaling kailanganin.

Mababatid na karamihan sa sampung benepisyaro ng bangka na ipinamahagi ng BFAR noong Miyerkules ay mga taga Mercedes.

Hindi naman nabigo ang Alkalde dahil agad na nagbigay ng commitment si OIC Regional Director Nelson Bien.

Sa hiwalay na panayam ng Brigada News FM Daet siniguro ni Bien na isusunod nila ang mga lambat na kakailanganin ng mga benepisyaro ng bangka.

Sa dami daw kasi ng dapat tulungan ay limitado lang rin ang resources ng gobyerno.

Leave a Reply

Your email address will not be published. Required fields are marked *